Pag-IBIG Fund Voluntary Membership Guide

Ikaw ba ay dating miyembro ng Pag-IBIG Fund at nais mo na ituloy ang iyong hulog bilang voluntary member o self employed individual? 

Kung Oo, narito ang mga dapat mong malaman para ma update ang iyong membership at makapagpatuloy sa paghuhulog ng iyong contribution.

• Una, kailangan mong kumpletuhin ang form na ito Members Change of Information Form (MCIF). 
• Pwede mo itong i-download at i-print para dalhin sa pinaka malapit na Pag-IBIG branch sa inyong lugar.
• I-print ito sa isang short bond paper (1 copy) back to back.  Hindi kailangan na colored ang print, pwede rin na i- photocopy ang form.
• Magdala lamang ng isang valid government issued ID kasama ang MCIF kapag pupunta sa Pag-IBIG branch. 
• Maaari din humingi ng form sa mismong Pag-IBIG Branch, sabihin lang sa guard na magpapa "change ng members information".

Pagkatapos na ma update ang iyong membership sa database ay maaari ka ng maghulog ng iyong contribution sa mga payment center na authorized ng Pag-IBIG Fund gaya ng bayad center. 

Ang minimum contribution ay P200 at maaari mo itong taasan kung nanaisin mo.